Беларуская гістарычная бэлетрыстыка?

З аднаго боку, беларускія гуманітарныя навукі трымаюцца ненайгорш, пра што сьведчылі хаця б стэнды беларускіх выдавецтваў падчас IV Кангрэсу дасьледнікаў Беларусі ў Коўна. Аднак, з другога боку, на выдавецкім рынку не хапае, напрыклад, гістарычнай бэлетрыстыкі.

Такімі менавіта кнігамі мяркуе заняцца новае беларускае выдавецтва гістарычнай кнігі "Янушкевіч".

Кніжкі, якія ў плянах выдавецтва, як лічыць яго кіраўнік Андрэй Янушкевіч, будуць ня толькі ўкладам у разьвіцьцё беларускай навукі, але таксама замацуюць пачуцьцё гонару за беларускую гісторыю. Зь ім гутарыць Яраслаў Іванюк.